"Сүхбаатар аймаг 80 жилийн ойдоо зориулан нэг тэрбум төгрөгөөр бурхны хөшөө босгож байна" гэх мэдээлэл цахим сүлжээнд түгсэн. Үүнтэй холбоотойгоор тус аймгийн Засаг даргын орлогч Г.Мөнхзаяагаас тодрууллаа.

                    Тэрбээр “Улаанбаатар хот дахь Сүхбаатар аймгийн  нутгийн зөвлөл бурхны хөшөө барих санаачилга гаргаж, иргэдээс хандив цуглуулан барьж байгаа. Хөшөөг барихад аймгийн төсвөөс мөнгө гаргаагүй. Хэдэн төгрөгийн төсвөөр барьж байгааг нь мэдэхгүй байна. Одоогоор хөшөөний ойр орчмын тохижилтын ажлыг хийж байгаа. Хөшөөний нээлтийг маргааш хийнэ гэсэн. Сүхбаатар аймгийн нутгийн зөвлөлөөс хөшөө барих гэж байгаа гэж мэдэгдсэн учир захиргаанаас газар олгосон. Хөшөөг "Үүдэнчулуу" ХХК барьж байгаа" гэв.