Орхон голын усны түвшин Бат-Өлзий, Орхон сумдын орчимд 20-50 см, Таац гол Нарийнтээл, Цагаантуруут гол Галуут, Онги гол Арвайхээр сум орчмоор усны түвшин өмнөх өдрөөс 20-40 см тус тус нэмэгдсэн байна.

Мөн Орхон гол Бат-Өлзий /Архангай/, Хархорин сум, Шаргалжуут, Байдраг гол Баянбүрд орчимд үерийн түвшинг 10-40 см даван үерлэж байна.

Иймд иргэд, аялагч, амрагчид үерийн аюултай бүсээс хол, аюулгүй газар зусах, амрах, гол, нуурын ойролцоо амарч зугаалахдаа ажиглалт хийх, уулын ам, голын ай сав, үерийн буулт бүхий газарт отоглож, хоноглохгүй байж баталгаат зам гүүрээр зорчихыг зөвлөж байна.