Тус аймагт сүүлийн долоо хоног коронавируст халдварын шинэ тохиолдол бүртгэгдээгүй байна. Эрүүл мэндийн байгууллагад хэвтэн эмчлүүлж байгаа нэг иргэн нь бага насны хүүхэд бөгөөд биеийн байдал хөнгөн гэж ЭМГ-аас мэдээллээ.

Мөн аймгийн хэмжээнд гэрийн хяналт, тусгаарлалтад хүн байхгүй. Халдвараас урьдчилан сэргийлэх дархлаажуулалтын гурав дахь тунгийн хамрагдалт 63,7 хувьтай үргэлжилж байгаа бол дөрөв дэх тунд 3889 иргэн хамрагджээ. Дархлаажуулалтын цэг өдөр бүр ажиллаж байна.

Тус аймагт коронавирусний халдвар анх бүртгэгдсэнээс хойш өнөөг хүртэл нийт 17743 иргэн халдвар аваад байгаа юм.