8 дугаар сарын 24-нд Сүхбаатар аймгийн нийт нутгаар үргэлжлэн орсон борооны улмаас аймгийн ОБГ-т үер усны холбогдолтой зургаан дуудлага иржээ. Улмаар 20 гаруй алба хаагч дөрвөн авто машинтай үүрэг гүйцэтгэн шуурхай ажилласны үр дүнд учирч болох эрсдлээс урьдчилан сэргийлж чаджээ.

Тус аймагт 20 орчим цаг үргэлжлэн орсон бороо Наран суманд хамгийн бага, Асгат суманд хамгийн их оржээ. Нийт нутгаар 9-84 мм-ийн тунадас орсон бөгөөд 8 дугаар сарын 25-ны өдөр мөн нийт нутгаар бороо орох төлөвтэй гэж аймгийн УЦУОШТ-өөс мэдээллээ.