СЭРЭМЖЛҮҮЛЭГ: Сүхбаатарын Эрдэнэцагаан суманд хээрийн түймэрт 2200 га талбай өртжээ
Сүхбаатар аймгийн Эрдэнэцагаан сумын Жаргалант багийн "Кабинт" гэдэг газар, сумын төвөөс хойд зүгт 35 км-т хээрийн түймэр гарсан тухай дуудлагыг энэ сарын 19-ний өдрийн 11:20 цагт хүлээн авсан байна.
Тус аймгийн Онцгой байдлын газрын Гал түймэр унтраах, аврах 47 дугаар ангийн алба хаагчид, мэргэжлийн ангийнхан, орон нутгийн иргэд хээрийн түймрийг унтраахаар ажиллаж 19:30 цагт унтраажээ. Уг гал түймэрт 2200 га талбай өртсөн аж.