ОХУ-ын нийслэл Москвад Пүрэв гаригийн үдээс хойш хүчтэй шуурч, аадар бороо орсны улмаас олон зуун мод үндсээрээ булгаран, хоёр хүн амиа алджээ. ОХУ-ын Онцгой байдлын яамнаас мэдээлснээр, Москвагийн хойд хэсэгт орших Парк Дубки орчимд салхины хурд секундэд 18-23 метр хүрснээр мод булгарч, түүнд нь нэг хүн дарагдаж нас барсан байна. Нөгөө хүн нь Москвагийн Улсын техникийн их сургуулийн талбайд барилгын шат нурахад дарагдаж, нас баржээ. Мөн дор хаяж 10 хүн шархдав.

Цахим сүлжээнд нийтлэгдсэн бичлэгүүдийг харахад сурталчилгааны самбар, мод болон бусад зүйлс хүчтэй салхинд унасан байв. Албаныхны мэдээлснээр 23 орчим мод үндсээрээ булгарч, найман машин эвдэрсэн байна. Харин ойр орчмын бүс нутгуудад нийт 200 орчим мод унажээ.