Сүхбаатар аймгийн хэмжээнд он гарсаар объектын гал түймэр 23, хээрийн түймэр дөрвөн удаа гарчээ. Гарч буй гал түймрийн 96 хувь нь хүний анхаарал болгоомжгүй үйлдлээс болж гарч байгаа тул иргэн бүр сэрэмжтэй байж, галын аюулаас сэргийлэх шаардлагатай байгааг тус аймгийн Онцгой байдлын газраас анхаарууллаа.

Тодруулбал, Сүхбаатар аймгийн ОБГ-т ирж байгаа хээрийн болон объёктын түймрийн дуудлагын 46 хувь үнс нурмаа ил задгай асгаснаас, 21 хувь нь пийшин зуух, яндангийн цооролтоос, хоёр хувь нь хүүхдийн санамсар болгоомжгүй үйлдлээс, 19 хувь нь цахилгаан хэрэгслийн аюулгүй байдал алдагдсанаас болжээ. 

Харин дөрвөн удаагийн хээрийн түймрийг газар нутгаар нь авч үзвэл Эрдэнэцагаан суманд хоёр, Дарьганга Наран сумын зааг, Сүхбаатар суманд тус тус гарчээ.